Ná vyf jaar, vier albums en talle
toekennings het die gewilde band Foto Na Dans besluit om vir eers 'n ruskans te
vat. Net nadat die groep dit bekend gestel het, het ek met die groep oor hul
besluit gaan gesels.
Dis al die afgelope jaar 'n moontlikheid
dat Foto Na Dans 'n blaaskans gaan vat, sê NeilBasson, die band se
liriekskrywer en hoofkitaarspeler.
Volgens Neil het 'n paar goed tot dié
besluit gelei."Ek dink wat hoofsaaklik bygedra het, is dat elkeen van ons die
meeste van die afgelope vyfjaar voltyds studente was.
"Dit was nog altyd 'n massiewe
logistieke uitdaging om tyd te kry vir band-goed tussen almalse besige akademiese
en werkprogramme deur."
Al die band-lede het nou hulstudie voltooi,
en Neilsê soos die musiekbedryf nou lyk, is dit vir hulle bynaonmoontlik om
heeltyds op musiek te fokus.
"Eerder as om 'n lang, uitgerekte
uittrede uit die bedryf te hê, het ons besluit om nou 'n skoon breuk te
maak,"sê hy.
Struikelblokke
en uitdagings:
Vir Neil was die hele Foto Na Dans-ervaring
'n hoogtepunt. Hy glo die band se sukses was te danke aanbaie ure se harde werk
as 'n span.
"Ons het die afgelope vyfjaar saam met
soveel talentvolle mense en agentskappe gewerk wat ons gehelp om die projek op
te bou tot waar dit nou is. Ons is innig dankbaar vir al hul insette."
Ten spyte van baie struikelblokke en
uitdagings kan die groep aan baie goeie tye terugdink."Ek dink die
lekkerste deel van Foto Na Dans was die interaksie met en blootstelling aan 'n
grootverskeidenheid mense."Ons kan baie van hulle nou ons goeie vriende
noem."
Foto
van 'n vriendskap
Hoe wil Foto Na Dans onthou word?
"As 'n band met kreatiewe integriteit,
'n band wat nooit kortpaaie gevat het met enige aspek van hul teenwoordigheid
nie.
"Ons wou met elke album en vertoning
die beste produk lewer wat ons op daardie stadium kon," sê Neil.
Die ouens is al jare lank vriende en voel
nie Foto Na Dans se uittrede uit die musiekbedryf gaan hul verhouding met
mekaar beïnvloed nie."Maar ons ís hartseer en raak nogal nostalgies oor
die afgelope vyfjaar saam as Foto Na Dans.
"Daar is niks wat met 'n toer deur
Suid-Afrika kan vergelyk nie. Maar waar een deur toemaak, gaan daar
definitief 'n paar ander oop," sê Neil
hoopvol.
Op die oomblik kan die lede nie belowe dat
die band ooit weer bymekaar sal kom nie, maar Neilsê hulle sal
graag wil glo dat hulle weer eendag saam
musiek sal maak
."Op die oomblik vat ons dinge maar
een dag op 'n slag en is ons net baie trots (op wat ons bereik het) en dankbaar
vir almal wat dit vir ons moontlik gemaak het."
No comments:
Post a Comment