Die gewilde groep Die Tuindwergies reik
op 2 Julie 2012 hul tweede vollengte album “Terwyl die Donker Wolke Dans”
uit. Die Tuindwergies het in 2011 die MK Toekenning vir
Beste Nuweling gewen en hul veelsydige musikale aanslag het oor die
afgelope paar jaar vir hulle vele aanhangers uit verskillende oorde ingewin.
Jonk, oud, slinks, goed, kwaad, wild, ordentlik – almal hou vanDie
Tuindwergies.
https://www.facebook.com/dietuindwerge
Die Tuindwergies bestaan uit twee
groepe broers wat uit talentvolle, musikale families kom. Hul eerste kortspeler
“Tuis Gekweek” was in 2009 uitgereik. Die liedjie “Kopskudkinders” was dadelik
`n treffer en het die no 1 posisie op Tuks Fm se Top 30 en Jacaranda fm se Top
10 behaal. Hul (selfgetitelde) eerste vollengte album was in 2010 uitgereik en
het Die Tuindwergies gevestig as een van SA se mees geliefde musiek
groepe.
“Terwyl die Donker Wolke Dans” weerspieël
die groei wat hulle as lede én as band die afgelope twee jaar
ondergaan het. Met `n kombinasie vancountry, folk en rock invloede,
kondig die groep `n nuwe seisoen vir Afrikaanse musiek aan. Hoe meer mens
na die CD luister, hoe meer ontdek jy die waarde van dit wat musikaal-, liriek-
en produksiegewys daarin opgesluit is. Dit is vloeiend en karaktervol,
soos daardie ou jeans wat in jou kas lê, daardie paar waarin jy op jou
gemaklikste voel. Die lirieke is geskryf deur Emile Swiegers en Pieter de
Jager. Hul manier van skryf wys op `n skerp oplettendheid van die wêreld rondom
hulle. “So onbewus, dog so aspris.”
Video van eerste radiosnit “Golwe (Terwyl
die Donker Wolke dans):
In Julie skop die landwye toer af om die
nuwe album bekend te stel – hier die besonderhede:
30 Junie 2012 - Innibos MK Verhoog.
2 Julie 2012 - Musiekwinkel
bekendstelling TBC
4 Julie 2012 - Die Blou Hond, JHB Media
Bekendstelling
6 Julie 2012 – Firkin, Centurion
7 Julie 2012 – Renosterkop, PTA
11 Julie 2012 - Gatta Patat, Kaapstad Media
Bekendstelling
12 Julie 2012 - Aan de Braak, Stellenbosch
13 Julie 2012 - Billabong PRO, Jeffreysbaai
18 Julie 2012 - Lil Diamond, Bloemfontein
25 Julie 2012 – Aandklas, Stellenbosch
28 Julie 2012 – CPT TBC
1 Augustus 2012 - Memphis Rock,
Potchefstroom
2 Augustus 2012 - Arcade Empire
Nuwe Venue PTA
Kontak:
Bestuurder: Hannes du Plessis (079 796
2491) Hannes@theagency.com
Media: Liny Kruger by LK Mediabook
(082 464 1926) liny@lkmediabook.co.za
No comments:
Post a Comment